मीनबहादुर भाम निर्देशित फिल्म ‘शाम्बाला’को टिजर
मीनबहादुर भाम निर्देशित फिल्म ‘शाम्बाला’को नेपाली संस्करणको ट्रेलर सार्वजनिक भएको छ । मंगलबार आयोजित पत्रकार सम्मेलनमा फिल्मको दोस्रो ट्रेलर सार्वजनिक गरियो । फिल्ममा थिन्ले ल्हामो र सोनम तोप्देन शीर्ष भूमिकामा छन् । टिजर :
यो फिल्मले नेपालको पश्चिमी हिमाली क्षेत्रमा प्रचलित बहुपतिप्रथाको कथा पेश गर्छ । फिल्मले एक पुरुष र उनका दुई साना भाइसँग बहुआयामी वैवाहिक सम्बन्धमा रहेकी एक महिला पेमालाई पछ्याउँछ । जब व्यापारका लागि गएका पुरुष फर्किंदैनन्, तब पेमाले आफ्नो गर्भमा रहेको बच्चालाई वैधता दिनका लागि उसलाई खोज्न थाल्छिन् ।
फिल्म ‘शाम्बाला’ भदौ २८ गते (सेप्टेम्बर १३)मा नेपालमा रिलिज हुँदैछ । नेपालमा यो फिल्मलाई एप्पल विश्वप्रसिद्ध बर्लिन फिल्म फेस्टिभलमा वर्ल्ड प्रिमियर भएको यो फिल्म यसै महिना स्वीट्जरल्याण्डको प्रसिद्ध लोकार्नो फिल्म फेस्टिभलमा पनि स्क्रिनिङ भएको थियो । ड्रामा, एड्भेन्चर र म्याजिक रियालिजम जनरा बताइएको यो फिल्म ‘कालोपोथी’ फेम्ड निर्देशक भामको दोस्रो निर्देशकीय फिचर हो ।
‘शाम्बाला’को अन्तर्राष्ट्रिय प्रदर्शन अधिकार बेल्जियमको वितरण कम्पनी बेस्ट फ्रेन्ड फरेभरले लिएको छ । फिल्मको मल्टिप्लेक्स पार्टनरमा क्यूएफएक्स छ । फिल्म निर्माणमा फ्रान्स, नर्वे, हङकङ, टर्की, ताइवान र अमेरिकी कम्पनीले पनि सहकार्य गरेका छन् ।
