अनमोल केसीको ‘जेरी अन टप’ मा जोडिए साइग्रेस

अनमोल केसी स्टारर फिल्म ‘जेरी अन टप’ मा ‘कन्टेन्ट क्रिएटर’को रुपमा चर्चित साइग्रेस पोखरेलले क्रिएटिभ भूमिकाको लागि उनी आवद्ध भएका छन् । निर्माता सरोज न्यौपाने र पोखरेलबीच बिहीबार लिखित सहमति भएको छ ।

पोखरेलले यो फिल्ममा पटकथा र संवादको पक्ष केलाउनेछन् । ‘स्क्रिप्ट र डायलग सहित क्रिएटिभ पार्टको लागि साइग्रेसले काम गर्ने निर्माता न्यौपानेले बताएका छन् । युरोपमा बसोबास गर्दै आएका पोखरेल यतिबेला काठमाडौंमा छन् । सुयोग गुरुङको निर्देशनमा बन्न लागेको फिल्मको छायांकन अर्को सातादेखि सुरु गर्ने तयारी छ । फिल्मलाई काठमाडौं, लुक्ला र भारतको लद्दाखमा खिच्ने तयारी छ ।

फिल्ममा अनमोल सहित आँचल शर्मा र जसिता गुरुङको मुख्य भूमिका हुनेछ । अनमोल केसी, आँचल शर्मा र जसिता गुरुङको मुख्य भूमिका रहनेछ । फिल्मको प्रदर्शन भ्यालेन्टाइन्स डेको सन्दर्भमा फागुन २ गते रिलिज हुँदैछ ।

‘फर्की फर्की’ पश्चात् अनमोल, जसिता र सुयोग जेरी अन टप लिएर फर्किएका हुन् ।