चलचित्र विकास बोर्डको अध्यक्षमा दिनेश डिसी नियुत्त
बिहीबारको बसेको मन्त्रिपरिषद्को बैठकले चलचित्र विकास बोर्डको अध्यक्षमा दिनेशराज दाहाल (दिनेश डिसी) नियुक्त गरेको छ । उनलाई बोर्ड अध्यक्षमा नियुक्त गरेको एक मन्त्रीले बताएका छन् ।
फिल्म निर्देशक, अभिनेता तथा सञ्चारकर्मी डिसी सत्तारुढ एमाले निकट जनपक्षीय चलचित्रकर्मी संघको अध्यक्ष समेत हुन् । उनी टेलिभिजन तथा रेडियो कार्यक्रमका निर्माता र प्रस्तोताको रुपमा चर्चित छन् । सन् १९९७ मा रिलिज भएको फिल्म ‘सुनचाँदी’बाट उनले फिल्म अभिनयमा डेब्यु गरेका हुन् ।
उनले पछिल्लोपटक फिल्म ‘फूलैफूलको मौसम तिमीलाई’ निर्देशन गरेका थिए । उनी चलचित्र निर्देशक समाजका पूर्वअध्यक्ष समेत रहेका डिसी फिल्म वृत्तमा सक्रिय फिल्ममेकर हुन् ।
