सृष्टि र नाजिरको ‘मिसिङ्गः केटी हराएको सूचना’ को टिजर
दिपेन्द्र गौचन निर्देशित फिल्म ‘मिसिङ्गः केटी हराएको सूचना’ को टिजर रिलिज गरिएको छ । फिल्ममा अभिनेत्री सृष्टि श्रेष्ठ र अभिनेता नाजिर हुसेनको मुख्य भूमिका छ । फिल्मको प्रदर्शन मिती कात्तिक ३० गतेलाई तय गरिएको छ ।
फिल्मले पहाडी समुदायका युवा र मधेसी समुदायकी युवतीको रहनसहन र मेलमिलापको कथा भन्नेछ । फिल्मले तराई क्षेत्रको सौन्दर्य र संस्कृतिको विद्धमा रहेको पहाडी-मधेसी मेलमिलापको खोजी गर्छ । फिल्ममा सीताको भूमिकामा सृष्टि श्रेष्ठ (जस्सीता/जेसी) रहेकी छन् । भने रामको भूमिकामा नाजिर हुसेन (रामबरन/र्याम्बो) रहेका छन् ।
त्यसैगरी विलासको भूमिकामा संजय मिश्रा तथा अमितेश शाह (क्यामियो) टिकट बिक्रेताको रोलमा रहेका छन् । यस बाहेक फिल्ममा जनकपुरबाट थप स्थानीय कलाकारहरूले विभिन्न भूमिका निभाएका छन् ।
फिल्मको कार्यकारी निर्मातामा नकिम उद्दीन, छायांकनमा अमर महर्जन, सम्पादनमा निमेश श्रेष्ठ रहेका छन् ।
