ट्रेन्डिङ नम्वर वानमा दया र मिरुनाको ‘नांगो गाउँ’
गत शुक्रबार युटुवमा अपलोड गरिएको फिल्म ‘नांगो गाउँ’ ट्रेन्डिङको शीर्ष स्थानमा पुगेको छ । दिपेन्द्र लामा निर्देशित फिल्मलाई दर्शकले सकारात्मक प्रतिक्रिया दिएका छन्। पाइरहेको छ । फिल्ममा अभिनेता दयाहाङ राई र अभिनेत्री मिरुना मगरको मुख्य भूमिका छ ।
छोटो समयमै पहिलो नम्वर ट्रेन्डिङमा पर्न सफल फिल्म नांगो गाउँलाई तीन करोड भन्दा बढी पटक हेरिएको छ ।
ग्रामीण परिवेशमा निर्माण गरिएको फिल्ममा राजनीतिक दाउपेचको कथालाई देखाइएको छ । दयाहाङ र मिरूना सिनेमामा श्रीमान-श्रीमतीको भूमिकामा छन् । दयाहाङले शिक्षक र मिरुनाले स्वास्थ्यकर्मीको भूमिका निर्वाह गरेकी छन् ।
क्लक वर्क क्रियशनको प्रस्तुतिमा तयार भएको फिल्ममा जय श्रेष्ठको लगानी छ । हिमाल शर्माको प्रस्तुतिमा निर्माण भएको फिल्मका कार्यकारी निर्माता रामहरि श्रेष्ठ हुन् । फिल्ममा दयाहाङ र मिरुनासँगै शिशिर वाङ्देल, कार्म, साम्राज्ञी राज्यलक्ष्मी शाह, वुद्दि तामाङ, रविन्द्र झा, विशाल पहारी, राज थापा, कमलमणि नेपाल, अंकित खड्का, निमा पाण्डे, पुष्कर गुरुङ लगायतका कलाकारको अभिनय छ ।
निर्देशक लामा अहिले ‘दुःखी आत्मा’ फिल्म निर्देशनको तयारी गर्दैछन् ।
