राजेश हमालको ‘नरसिंहाः अवतार’ रमेश चन्द सोडारी
फिल्म ‘नरसिंहाः अवतार’ मा कलाकार रमेश चन्द सोडारी अनुबन्धित भएका छन् । फिल्ममा उनले अभिनयकोे वास्तविक अभिनय क्षमता देखाउन पाउनेछन् भन्ने विश्वास निर्देशक दिवाकर भट्टराइको छ ।
सोडारीले फिल्म ‘मन त परदेशी’मा अभिनय गरिसकेका छन् । उनले फिल्म ‘साङ्लो र वानर सेना’मा पनि काम गरिसकेका छन् । सोडारीका लागि अब फिल्म ‘नरसिंहाः अवतार’ विशेष बन्ने अपेक्षा छ । करिब ८ दर्जन म्युजिक भिडियोमा समेत काम गरिसकेका यी कलाकारले एक दशक लामो समयदेखि फिल्म क्षेत्रमा संघर्ष गरिसकेका छन् ।
उनी, जिमनेस्टिक, मार्सल आर्टमा समेत निपूणर् छन् । यसैले, एक्सनप्रधान फिल्म ‘नरसिंहाः अवतार’मा उनले आफ्नो एक्सनको कला कौशल देखाउन पाउने अपेक्षा गरिएको छ ।
यो फिल्ममा राजेश हमाल, राज कटुवाल, नीति शाह, सनिषा भट्टराई, रमेश चन्द सोडारी लगायतका कलाकारहरुको अभिनय रहनेछ । यो फिल्मबाट फिल्म क्षेत्रमा एक्सन नायकको रुपमा जम्ने अपेक्षा सोडारीको छ । आफूलाई फिट राख्न निकै मिहिनेत गर्ने उनी खानेकुरामा समेत विशेष ध्यान दिन्छन् । यो फिल्मका लागि आफूले अझै मिहिनेत गरिरहेको सोडारीले जानकारी दिए ।
