‘खुस्मा’ ट्रेलर रिलिज : धिरज र उपासनाको प्रेम र विछोड
अभिनेत्री उपासनासिंह ठकुरीको मुख्य भूमिका रहेको फिल्म ‘खुस्मा’को ट्रेलर रिलिज गरिएको छ । अभिनेता मगरको जन्मदिन पारेर मंगलबार फिल्मको प्रोमो सार्वजनिक गरिएको हो । प्रोमो :
‘खुस्मा’को प्रोमोमा दर्शकले रुचाएका ‘मजुरको कल्की राम्रो’ र ‘रुकुम मैकोट’ दुई गीतहरु समावेश छन् । यस्तै प्रोमोमा खुस्मा र गेमी बिचको प्रेम र विछोडलाई मनछुने तरिकाले प्रस्तुत गरिएको छ । अशोक थापा मगर निर्देशित फिल्मले द्धन्द्धकालमा अंकुराएको प्रेम कथालाई महसुश गर्न सकिनेछ ।
प्रोमो रिलिज कार्यक्रममा अभिनेता मगर आफ्नो परिवारलाई सम्झिएर भावुक बन्न पुगेका थिए । मिडियामाझ उनको जन्मदिनको केक समेत काटिएको थियो । अभिनेत्री ठकुरीले मेरो हिरो भन्दै धिरजलाई जन्मदिनको शुभकामना दिएकी थिइन् ।
दुई गीतहरु लगालग हिट भएपछि प्रतिक्षित बनेको फिल्म ‘खुस्मा’मा उपासना र धिरजसँगै माओत्से गुरुङ, राजथापा काउचा, अस्तित्व भट्टचन लगायत अन्य कलाकारहरुको अभिनय छ । दिपक बज्रचार्यको छायाँकन रहेको फिल्मलाई निर्देशक थापा मगरले नै सम्पादन गरेका छन् ।
