प्रदीप र दिव्याको ‘एक्टरः टेक वन’ अब माघ १६ मा आउने

प्रदीप खड्का स्टारर फिल्म ‘एक्टरः टेक वन’ को प्रदर्शन मिती पर सरेको छ । यो फिल्मको नयाँ प्रदर्शन मिती आगामी माघ १६ गतेलाई तय गरिएको छ । सुरुमा यो फिल्मको रिलिज डेट कात्तिक १५ गते लक्ष्मीपूजालाई तय गरिएको थियो । गीत : 

फिल्म ‘एक्टरः टेक वन’ को टिजर र गीत समेत रिलिज गरिएको छ । फिल्ममा समावेश पहिलो गीत ‘दिन बित्ला’ सार्वजनिक भएको छ । रोमान्टिक भावको यस गीतमा सनिश श्रेष्ठ र प्रीति कौरले स्वर दिएका छन् । सार्वजनिक गीतमा शब्द राजेश कुमार श्रेष्ठ र सङ्गीत एलिश कार्कीले दिएका छन् । शैलेन्द्र प्रधान (बाबु)ले एरेन्ज गरेका गीतले प्रेममा रहेका दुई व्यक्तिको सम्बन्धलाई समयको यात्रासँग जोडेर प्रस्तुत गरेको छ, जसले उनीहरूको जीवनभरको साथको भावना व्यक्त गर्छ।

शिशिर खातीले कोरियोग्राफी गरेको गीतको भिडियोमा सुपरस्टार प्रदिप खड्का र नव-अभिनेत्री दिव्या रायमाझी आकर्षक शैलीमा देखिएका छन् । यो फिल्मबाट अभिनय यात्रा सुरु गरेकी दिव्यालाई ‘बोल्ड एन्ड ब्यूटिफूल’ रूपमा प्रस्तुत गरिएको छ ।

फिल्मलाई राजन भुसालले निर्देशन गरेका छन् र स्क्रिप्ट आकाश बराल र राजन भुसालको रहेको छ । प्रदिप खड्का, आना शर्मा, दिव्या रायमाझी, र राजबल्लभ कोइरालासहित दिव्य देव, उषा रजक, र सुशील सिटौलालगायतका कलाकारहरूको प्रमुख भूमिका रहेको यो फिल्म अदृत फिल्मस् र मोती फिल्मस्को संयुक्त प्रस्तुति हो । निर्माता थमन कुमार भण्डारी, सह-निर्माता अनीश भुसाल र क्रियटिभ प्रोड्युसर मोती कार्की हुन् ।

नरेन्द्र मैनालीले छायाङ्कन गरेको यो फिल्मलाई निमेष श्रेष्ठले सम्पादन गरेका छन् । हर्कुलस बस्नेत, रोहित शाक्य, र एलिस कार्कीले सङ्गीत दिएका छन्, र शिशिर खाती तथा किरण थापाले कोरियोग्राफी गरेका छन् ।