‘कोशेढुंगा’ मा आर्यन सिग्देलदेखि नीति शाहसम्म अनुबन्धित
फिल्म ‘कोशेढुंगा’ को मुख्य भूमिकामा कलाकारहरु पक्का गरिएको छ । फिल्ममा अभिनेता आर्यन सिग्देलदेखि अभिनेत्री नीति शाहसम्म रहने निर्माण पक्षले जानकारी गराएको छ । फिल्मलाई सरोज पौडेलले निर्देशन गर्दैछन्।
पूर्ण बहादुरको सारङ्गी निर्देशक पौडेलको नयाँ फिल्ममा आर्यन र नीतिसँगै सुरक्षा पन्त, प्रविण खतिवडा पनि रहनेछन् । ‘कोशेढुंगा’ सोसल ड्रामा हुने निर्देशक पौडेलको भनाई छ । फिल्मले अभाव, अग्लो सपना र संघर्षको कथा भन्ने यस अगाडी सार्वजनिक थिम पोस्टरले संकेत गरेको थियो।
“हामी यति भन्छौँ, पूर्ण बहादुरको सारङ्गी जसरी दर्शकले मन पराउनुभयो त्यसैगरी मन जित्ने सिनेमा बनाउने प्रयासमा छौँ” निर्देशक पौडेलको भनाई छ । फागुन २ गतेदेखि छायांकन हुने फिल्म २०८२ मा रिलिज हुने निर्माण पक्षले जानकारी दिएको छ । नरदेवी फिल्मसको प्रस्तुति रहेको फिल्ममा प्रेविल कँडेल र हरि महतको लगानी रहनेछ भने दिनेश खड्का कार्यकारी निर्माता रहेका छन्।
बाबु श्रेष्ठको डीओपी रहने चलचित्र सुरेन्द्र पौडेलले सम्पादन गर्नेछन् । फिलममा संगीत रिदम कँडेल र आषिश अविरलको रहनेछ ।
