फेरी चम्किए सलमान, ‘रेस ३’ कमाई यति
खराब समिक्षाका वावजुत सलमान खानको ‘रेस ३’ले बक्स अफिसमा तहल्का पिटेको छ । यसले पहिलो विकेन्डमै १ सय ६ करोड ४७ लाख कमाई गर्न सफल भएको छ ।
‘रेस ३’ले घरेलु बक्स अफिसमा मात्र तीन दिनमै सय करोड माथिको व्यापार गर्न सफल भएको हो । पहिलो दिन २९.१७ करोड, दोस्रो दिन ३८.१४ करोड र तेस्रो दिन ३९.१६ करोडको व्यापार गर्दा सलमानको स्टारडम चर्चा अझ चुलिएको छ । सलमान बलिउड बक्स अफिसका बादशाह मानिन्छन ।
सन् २०१० पश्चात सलमानका रिलिज कुनै पनि फिल्मले सय करोड भन्दा कम व्यापार गरेका छैनन् । उक्त सालमा सलमानको ‘दबंग’ सय करोड क्लबमा इन्ट्री भएको थियो । ‘रेस ३’ सलमानको १३ औँ फिल्म हो, जो सय करोड क्लबमा समावेश भयो । यसअघि रिलिज भएको सलमानको ‘टाइगर जिन्दा हे’ले ३ सय ३८ करोड भन्दा बढी कमाई गरेको थियो ।
रेमो डिसुजा फिल्ममा सलमान खान, अनिल कपूर, जाक्लिन फर्नान्डिज, बबी देवल, डेजी शाह सकिब सलीम, फ्रेड्डी दारुवाला लगायतका कलाकारको अभिनय छ ।
