‘गे’ रोलमा देखिदै ‘बिग बोस’का यी प्रतिस्प्रर्धि
‘बिग बोस ११’का प्रतिस्प्रर्धि सब्यसाची सतपथीको एउटा ठुलो अफर प्राप्त भएको छ । उनि आउने वेब शो ‘ड्राइंग द लाइन’मा समलिंगी (गे)को भूमिकामा देखिने छन् । कलाकार सौम्या बनर्जी उनको प्रेमीको भूमिकामा हुनेछन ।
नयाँ शो हात हालेको बारे उनले भने ‘सिरियल ‘ड्राइंग द लाइन’ एक वेब सिरिज हो । जसको कथा दुई समलिंगी पुरुषको लभस्टोरी हो । दुई मध्ये एकले महिलासँग विवाह गर्छ र आफ्नो परिवारसँगै समाजको कारण जीवन अगाडी बढाउछ ।’
उनि अगाडी भन्छन ‘म शोमा समिरको भूमिकामा छु । ‘ड्राइंग द लाइन’ले भुत र वर्तमानबीच एक रेखा कोर्छ । ‘ सतपथी यो नयाँ शोको लागि एकदमै एक्ससाइटेड छन् । उनले आफ्नो इन्स्टा अकाउन्टबाट शोको छायाँकनका तस्विर पनि सार्वजनिक गरेका छन् ।
स्मरण रहोस् सब्यसाचीले ‘बिग बोस ११’मा लामो यात्रा तय गर्न सकेका थिएनन् । तर, कम समयमै उनले लोकप्रियता हाँसिल गरेका थिए । बिग बोसमा उनि छिमेकी बनेर आएका थिए । बिस बोसबाट बाहिरीए पछीको उनको यो पहिलो प्रोजेक्ट हो ।
शोका अन्य प्रतिस्प्रर्धिसँग उनको अहिले पनि राम्रो सम्वन्ध छ । शिल्पा शिन्धे र अर्शी खानसँग उनको राम्रो बोंडीङ छ । सब्यसाची एक राम्रा भान्से पनि हुन् । बिग बोसमा खाना बनाउनेको जिम्मा उनैलाई थियो ।
