निर्देशक अमेरिकामा रमाउँदा ‘डा.खाते’ निर्मात्रीलाई पर्यो आपत्
साउन ६ गते, शुक्रबारदेखि फिल्म ‘डा.खाते’ प्रदर्शनमा आउँदैछ । प्रदर्शन मिति नजिकिंदै गर्दा फिल्मको प्रचार प्रसार तिव्र हुनु पर्ने हो । तर ‘डा.खाते’ को हकमा यस्तो भैरहेको छैन । भैदियोस् पनि कसरी, फिल्म रिलिजको बेलामा निर्मात्री मात्रै नेपालमा छिन् । निर्देशक रविराज आर्याल सम्पर्कमा छैनन् । आखिर कहाँ गए त ‘डा.खाते’ का निर्देशक ?
फिल्म शोको लागि अमेरिका गएका निर्देशक अर्याल फिल्म प्रदर्शन हुने बेलामा समेत उतै छन् । उनी कहिले देश फर्किन्छन्, कुनै पत्तो छैन् । फिल्म प्रदर्शनको मुखमा निर्देशक अमेरिकामै रमाएपछि निर्मात्री केसी एक्लै प्रचार प्रसारमा दौडिरहेकी छिन् । ‘एक्लैले कहाँ सम्म भ्याउनु ?’ निर्मात्री केसी सञ्चारकर्मीसँग गुनासो पोखिरहेकी छिन् । उसो त रोशनी फिल्मकी कलाकार समेत हुन् । सडक बालबालिकाको विषयमा बनाएइएको फिल्म ‘डा.खाते’ मा वास्तविक सडक बालबालिकाको समेत अभिनय रहेको छ ।
