एशियाकै दोश्रो ठुलो फिल्म ‘२.०’ को भिडियो भाइरल
अक्षय कुमार र रजनी कान्तको अभिनयमा रहेको फिल्म ‘२.०’ भारतिय सिनेमाको सबै भन्दा मंहगो फिल्म मध्ये एक हो । यो फिल्म बनाउनको लागि निर्देशक एस शंकरले लामो समय लगाएका छन् । यो फिल्मको लागि निर्माण पक्षले पनि आशा गरिएको भन्दा धेरै पैसा लगाएका छन् ।
‘२.०’ फिल्म ४५० करोड भारुको बजेटमा बनिरहेको छ । यस फिल्मको बजेटको बारेमा सुनेर बलिउडका निर्माताहरु पनि अच्मित भएका छन । ‘बाहुबली २’ पछि यो साउथको सबै भन्दा ठुलो फिल्म मानिएको छ । प्रमोशन र स्क्रीन काउन्टको आधारमा यो फिल्मले सबै फिल्मलाई पछि पारेको छ ।
‘२.०’ को प्रि– प्रोडक्शन टीम लगातार फिल्मको सेट निर्माण कार्यमा लागेको छ । इन्टरनेटमा बीबीसीको एक भिडियो भाइरल भई रहेको छ । जसमा २.० को सेटको फुटेज देखाइएको छ । भिडियोमा फिल्मको नायिका एमी जैकसन डान्सको तयारी गरिरहेकी छिन् ।
एमी यसमा रोबोटिक कस्टुममा देखिएकी छिन् । फिल्ममा जोडिएका टेक्नीशियन २.० बारेमा सानो भन्दा सानो कुराको जानकारी दिईरहेका छन ।
