शनिबार ‘म यस्तो गीत गाउँछु’को नयाँ रेकर्ड

प्रदर्शनको दोश्रो दिन शनिबार फिल्म ‘म यस्तो गीत गाउँछु’ ले देशभरका हलहरुमा हाउसफूलको व्यापार गरेको छ भने राजधानीका मेजर हलहरुमा नयाँ रेकर्ड कायम गरेको छ । चावाहिलस्थित गोपिकृष्ण हलमा फिल्म ‘म यस्तो गीत गाउँछु’ को बिहानदेखि नै पाँच वटा हलहरु हाउसफूल भएको छ । गोपिमा रहेका ७ पर्दाहरु मध्ये ‘म यस्तो गीत गाउँछु’ ५ वटामा लागेको हो ।

यता बालाजुको अष्टनारायण हलमा ‘म यस्तो गीत गाउँछु’ ले नयाँ रेकर्ड कायम गरेको छ । शनिबार ३ बजेको शोमा हलमा भएका चारवटै पर्दाहरु हाउसफूल भएका छन्, ‘सायद २’ रिप्लेस भएको छ । यस्तै बालाजुकै गंगा हलमा पनि ३ बजेको शोमा दुई वटा हलहरु हाउसफूल भएका छन् । ग्वार्कोमा रहेको गुण हलमा पाँच वटा पर्दा हाउसफूल भएका छन् । समग्रमा शनिबार ‘म यस्तो गीत गाउँछु’ को व्यापार निकै उत्साहप्रद भएको छ । ०७४ सलामा इनिसियलको व्यापार गर्ने म यस्तो गीत गाउँछु पहिलो फिल्म हो । यो रमाइलो भिडीयो हेर्नुस :

निर्देशक सुदर्शन थापा, नायक पल शाह र नायिका पूजा शर्मा, वितरक गोपाल कायस्थ सहितको टिम राजधानीकोहलहल घुमुमेका थिए । फिल्म हेर्न आएका दर्शकले पल र पूजालाई घेरेका थिए ।