दशैं गीतमा ‘पिरिम नलाउँने’ भन्दै नाचिन् वर्षा (भिडियो)
आउदै गरेको दशैँलाई लक्षित गर्दै ’पिरिम नलाउने’ बोलको गीत सार्वजनिक गरिएको छ । आशिष सचिन र मेलिना राइको स्वर रहेको गीतमा गायक आशिष सचिनसँग अभिनेत्री वर्षा राउतको फिचरिङ रहेको छ । भिडियो हेर्नुस् :
गीतमा दसैँमा गाउँ फर्किएको परदेशीको मायालुसँगको भेटलाई दर्साइएको छ । प्रेमिकाको गुनासो र प्रेमीको परिस्थितिलाई यसमा चित्रण गरिएको छ । गीतका शब्द दिपक शर्माले लेखेका छन् । आरोही एल्बममा समावेश गीतको भिडियोलाई सञ्चारकर्मी समेत रहेका सुव्रत आचार्यले निर्देशन गरेका हुन् ।
गीतमा सुव्रतलाई कन्सेप्ट क्रिएटरको रुपमा उनकै श्रीमती जया शर्माले साथ दिएकी छन् । यसमा उत्सव दाहालको छायाँकन रहेको छ भने नविन निरौलाले कलर र सम्पादन गरेका छन् । गीतको कोरियोग्राफी गम्भीर विष्टले गरेका छन् ।
