‘मनमगन’को सफलतापछि दीपक बज्राचार्यको दशैं गीत
दशैं नजिकै गर्दा लोकपप गायक दीपक बज्राचार्यको स्वर र संगीत रहेको दशैं गीत ‘वर पर’ सार्वजनिक भएको छ । गीतमा गायक दीपकको साथै नम्रता श्रेष्ठको फिचरिङ रहेको छ । भिडियो यस्तो बनेको छ :
सार्वजनिक गीतमा दीपकले लोक संस्कृति झल्काएका छन् । गीतमा थान्का बुन्ने देखि लिएर दशैंको माहोललाई समावेश गरिएको छ । दशैंमा तास खेल्ने, चङ्गा उठाउने, लंगुर बुर्जा खेल्ने, साथी भाईसँग रमाइलो गर्ने देखि नाच गानलाई पनि भिडियोमा देखाईएको छ । गीतमा रिकी शाक्यको शब्द रहेको छ भने संगीत संयोजन रिदम ब्याण्डले गरेको छ ।
दीपकको गीत मनमगनले निकै चर्चा बटुलेको छ । साथै उनको यो गीत विभिन्न भाषामा सार्वजनिक गरिएको छ । अनुप पौडेलको निर्देशन रहेको भिडियोलाई छायांकन ज्ञानेन्द्र शर्माले छायांकन गरेका छन् । चेरिसा बज्राचार्यको कन्सेप्ट रहेको गीतलाई सौगात र आदित्यले भिडियो खिचेका छन् ।
