१२ वर्षपछि ‘ए मान्छे’ लिएर आए सचिन (भिडियो)
गायक सचिन रौनियारले ’ए मान्छे’ बोलको गीतका साथ कमब्याक गरेका छन् । करिब १२ वर्ष पछि सचिन साँगीतिक क्षेत्रमा फर्किएका हुन् । डिजिटल युगको पहिलो गीत बताउँने सचिनले राजधानीमा एक कार्यक्रमको आयोजना गर्दै गीत सार्वजनिक गरेका हुन् । भिडियो हेर्नुस् :
मनोरंजनसँगै अनेकतामा एकताको संदेश समेत दिने गीतको शब्द प्रकाश सापकोटाले लेखेका हुन् भने यसमा जितेन लेप्चाको संगीत रहेको छ । गीतमा सचिनसँगै संजय श्रेष्ठ, बबिन, भिम तुलाधर लगायत पनि देखिएका छन् । सुव्रतराज आचार्यको निर्देशनमा तयार भएको गीतको भिडियोमा विभिन्न भाषा भाषीको एकतालाई प्रस्ट्याईएको छ ।
‘मनमगन’ पछि निर्देशक आचार्यले यस प्रकारको भिडियो निर्देशन गरेका हुन् । भिडियोलाई गम्भीर बिष्टले कोरियोग्राफ गरेका छन् भने यसलाई उत्सव दाहाल र विजय बस्नेतले खिचेका हुन् । यसमा सम्पादन , भीएफएक्स र डीआइ भरत रेग्मीको रहेको छ ।
