‘पिरिम नलाउने’ टिमले काट्यो १ करोडको केक
चर्चित गीत ‘पिरिम नलाउने’को भिडियोलाई एक करोड भन्दा बढी दर्शकले हेरेका छन् । दीपक शर्माको शब्द तथा संगीत रहेको यो लोक गीतलाई युटुवमा अपलोड गरिएको ५१ दिनमा एक करोड बढी दर्शकले हेरेका हुन् ।
गीतले एक करोड भ्युज पाएको अवसरमा टिमले शनिबार केक काटेर खुसीयाली बाँड्यो । कार्यक्रममा संगीतकार शर्मा, मोडल बर्षा राउत, निर्देशक सुव्रत आचार्य, गायक तथा मोडल आशिष सचिन उपस्थित थिए । गायिका मेलिना राई भने राजधानी भन्दा बाहिर रहेकाले केक काट्ने कार्यक्रममा उपस्थित हुन सकिनन् । सोही कार्यक्रममा संगीतकार शर्माले यही टिमलाई लिएर पिरिम नलाउने २ बनाउने पनि घोषणा गरे ।
‘दाह्री फूले बैंशैमा चस्मा लाउँछौं पाउवर, दुई गाउँमा बस्दैनौं सुइकी हाल्छौ लाउर’ गीत टिकटकमा पनि निकै हिट छ । गीतको भिडियो हेर्नुस् :
