८ बर्षमा ब्याक हुंदा यस्तो देखिए रेखा र आर्यन ‘रुद्रप्रिया’ गीत रिलिज
कात्तिक २ गते, लक्ष्मीपुजामा रिलिज हुने फिल्म ‘रुद्रप्रिया’ को पहिलो गीतको भिडियो सार्वजनिक भएको छ । औंठी चिनो देऊ बोलको गीतको भिडियोमा रेखा थापा र आर्यन सिग्देल फिचरिङ छन् । राजनराज सिवाकोटीको शब्द, संगीत तथा स्वर रहेको गीतमा मेलिना राईको फिमेल भोकल छ । प्रविण सिंहको कोरियोग्राफी रहेको भिडियो यस्तो छ :
फास्ट ट्रयाकको गीतको भिडियोमा रेखा र आर्यनसँगै अर्का कलाकार राजन इशान पनि फिचरिङ छन् । राजन फिल्मका मुख्य कलाकार पनि हुन् । झण्डै ८ वर्षपछि भिडियो कस्तो बनेको छ त ? भिडियो आकर्षक बनेको छ भने रेखा र आर्यनका जोडी जमेको छ । रेखा र आर्यनले नृत्यमा मिहेनत गरेका छन् । सुदिप बबी भूपाल सिहंको निर्देशन रहेको फिल्म रुद्रप्रिया सरस्वती थापा र रमेश एमके पौडेल निर्माताको रुपमा रहेका छन् । छायाँकन संजय लामाको छ ।
