फिल्म हिट भएपछि संगीतकारलाई पूजाको उपहार
पहिलो पटक लगानी गरेको फिल्म ‘म यस्तो गीत गाउँछु’ सफल भएपछि नायिका पूजा शर्मा यतिबेला दंग छिन् । पूजा दंग पनि यतिसम्म छिन् कि उनले संगीतकार अर्जुन पोखरेललाई लेटेस्ट आइफोन नै उपहार दिएकी छिन् । पूजाले रक्षा बन्धनको दिनमा संगीतकार पोखरेललाई लेटेस्ट आइफोन उपहार दिएकी हुन् ।
‘फिल्मको सफलतामा अर्जुन दाईको ठुलो हात छ’, पूजाले भनिन्, ‘उहाँको कामको कदर गर्दै धन्यवाद स्वरुप यो सानो उपहार दिएकी हुँ ।’ अर्जुनले संगीत दिएका ‘म यस्तो गीत गाउँछु’ का तीन गीतहरु रुचाइएका छन् भने ‘भन्छु आज’ बोलको गीत हिट छ । पूजाले निर्माण गर्ने नयाँ फिल्ममा पनि संगीतकार पोखरेलले नै संगीत दिनेछन्, यसको कार्य सुरु भैसकेको छ । सुदर्शन थापाको निर्माण तथा निर्देशन रहेको फिल्म ‘म यस्तो गीत गाउँछु’ ले नेपालबाट लगानी उठाएर केही प्रतिशत नाफा समेत कमाएको छ ।
