टंक र अशोकको दोश्रो गीत ‘चौंरीको चाम्रो छुर्पी’
टंक बुढाथोकीले ‘मन बिनाको धन ठूलो गीतको सफलता पछि ‘चौरीको चाम्रो छुर्पी’ बोलको गीत सार्वजनिक गरेका छन् । आमाको मायाप्रति समर्पित गीतमा टंक सँगै अशोक दर्जी र एआर बुढाथोकीले स्वर दिएका छन् । भिडियो हेर्नुस् :
गीतमा आफनो आमाको मात्र नभई पुरै देशको आमाहरुको सुन्दरतालाई बयान गरिएको छ । भिडियोमा टंक बुढाथोकी, अशोक दर्जी, आर्यान बुढाथोकीको साथै नेपालकी पहिलो नायिका भुवन चन्द, दीपिका शर्मा, डि आई रुपक र बासुकला मैनाली प्रस्तुत छन् ।
कविराज गहतराजको कोरियोग्राफी रहेको भिडियोको निर्देशन टंक आफैले गरेका हुन् । सौरव लामाको छायांकन रहेको भिडियोलाई अर्जुन जिसीले सम्पादन गरेका हुन् । टंक र अशोकको यो पछिल्लो गीतलाई अपलोड भएको १ घण्टामा करिब ४० हजारले हेरेका छन् भने प्रतिक्रिया सकारात्मक आइरहेका छन् ।
