‘संरक्षण’ मलिना जोशीको डेव्यु फिल्म !
मिस नेपाल (सन् २०११) मलिना जोशी फिल्म ऋतु बाट नायिकाको रुपमा डेव्यु भएकी हुन् । उसो त ऋतु खेल्नु अगाडी मलिना कलिउड को एउटा गीतमा फिचरिङ भैसकेकी थिइन् । ऋतु पछि मलिनाले द विनर नामक फिल्ममा अभिनय गरिन्, त्यसपछि उनी झुम्की बनिन् । झुम्की पछि मलिना अभिनित फिल्म संरक्षण यही साउन २७ गतेदेखि प्रदर्शनमा आउँदैछ । तर मलिना संरक्षणलाई डेव्यु फिल्म मान्छिन् । किन त ?
‘मैंले सुरुमा संरक्षण खेल्ने भनेर साइँन गरेको थिएँ’, मलिना भन्छिन्, ‘तर काम समयमा हुंन नसकेपछि यो त तेश्रो फिल्म पो हुंन गयो ।’झण्डै पाँच वर्ष लगाएर निर्माण गरिएको फिल्म संरक्षण आफ्नो करिअरको पहिलो फिल्म हुन नसकेपनि राम्रो फिल्म भने हुने मलिनाको विश्वास छ । फिल्ममा उनी पत्रकारको भूमिकामा प्रस्तुत भएकी छिन् । फिल्ममा निखिल उप्रेती, सौगात मल्ल, मलिना, अशिष्मा नकर्मी, प्रमोद अग्रहरी र श्वेता शाहको मुख्य भूमिका छ । प्रदीप उदय र नरेन्द्र महर्जनको संयुक्त निर्माण रहेको फिल्म संरक्षणलाई पुणेन्दु झाले निर्देशन गरेका हुन् । संरक्षण टिमसँग गरिएको रमाइलो कुराकानी हेर्नुस् :
