सर्यो अनमोलको ‘कृ’, कात्तिक ३ मा ‘रुद्रप्रिया’ एक्लै
अनमोल केसी स्टारर छायाँकनरत फिल्म ‘कृ’ को चौथो पटक प्रदर्शन मिति स्थगन भएको छ । कृ को छायाँकन समयमै नसकिएपछि कात्तिक ३ गते कृ नआउने भएको हो । यो मितिमा अब रेखा थापाको रुद्रप्रिया मात्रै रिलिज हुनेछ । रेखा र आर्यनको मुख्य भूमिका रहेको फिल्मको प्रचार प्रसार सुरु भैसकेको छ ।
भुवन केसी र सुवास गिरीको संयुक्त निर्माण रहेको फिल्म ‘कृ’ ले सुरुमा भदौ १६ गते प्रदर्शन मिति तोकेको थियो । सोही महिनाको ८ गते सरेको कृ त्यसपछि असोज ११ मा पुग्यो । असोज ११ गतेपछि कात्तिक ३ मा पुगेको ‘कृ’ अब भने माघको अन्तिम या फागुनको पहिलो साताबाट प्रदर्शनमा आउने बुझिएको छ । यद्पी निर्माण पक्षले औपचारिक प्रदर्शन मिति भने घोषणा गरिसकेको छैन् । सुरेन्द्र पौडेलको निर्देशन रहेको ‘कृ’ मा अदिती बुढाथोकी अनमोलको अपोजिटमा प्रस्तुत भएकी छिन् ।
