स्याड भर्सन गीत रिलिज गर्दै ‘ग्याङस्टर ब्लुज’ टिम देश दौडाहमा
भदौ २ गतेदेखि प्रदर्शनमा आउने फिल्म ‘ग्याङस्टर ब्लुज’ को तेस्रो गीति भिडियो सार्वजनिक भएको छ । स्याड भर्सनको ‘आधा कुरा’ बोलको गीतमा कालिप्रसाद बाँस्कोटाको संगीत र सनुप पौडेलको स्वर छ । शब्द कालिप्रसाद र एकतारेको छ । आशिरमान देशराज, आना शर्मा र संयम पुरी फिचरिङ गीतको भिडियो यस्तो छ :
यस्तै ‘ग्याङस्टर ब्लुज’ टिम यही शनिबारदेखि साँगीतिक यात्रामा निस्किएको छ । संगीतकार बाँस्कोटा, आशिरमान, आना, संयम र रोजिशा ठकुरी सहितको टिम मोफसलका पोखरा, चितवन, हेटौंडा, बुटवल लगायतका शहरमा पुग्नेछन् । हेमराज विसीको निर्देशन रहेको फिल्मलाई सरोज न्यौपानेले निर्माण गरेका हुन् ।
