प्रतिक्षामा ‘ए मेरो हजुर २’, तर झरनालाई किन लाग्दैछ डर ?
झण्डै दुई दशकको अभिनय अनुभव पछि अभिनेत्री झरना थापाले निर्देशन गरेको फिल्म ‘ए मेरो हजुर २’ आउँदो भदौ १६ गतेदेखि प्रदर्शनमा आउँदैछ । सोलो रिलिजको मौका पाएको ‘ए मेरो हजुर २’ को गीत तथा ट्रेलरले हाईप पाइरहेको छ । यो फिल्मले बम्परको ओपनिङ गर्ने फिल्म वृत्तमा चर्चा छ ।
यति हुँदा हुँदैपनि निर्देशक झरना थापा भने डरमा छिन् । किन त ? ‘खै किन किन डर लागि रहेको छ । के गर्ला कसो गर्ला भन्ने चिन्ता छ ।’ फिल्मको सम्पादन सकेर प्रचार प्रसारमा जुटेकी झरना भन्छिन्, ‘पहिलो पटक निर्देशक भएर होला डर चाहिं लाग्दो रहेछ । तर फिल्मको चर्चा देख्दा चाहिं केही होला कि जस्तो लाग्छ ।’ नव नायक सलिनमान बनियाँ र नायिका साम्राज्ञीराज्य लक्ष्मी शाहलाई मुख्य भूमिकामा प्रस्तुत गरेकी झरनाले ‘ए मेरो हजुर २’ दर्शकको रोजाइको फिल्म बनेको बताइन् । सुनिल कुमार थापाको निर्माण रहेको फिल्ममा सलोन बस्नेत, अनुभव रेग्मी लगायत कलाकारहरुको अभिनय रहेको छ । सलोन र झरनासँग गरिएको रमाइलो कुराकानी हेर्नुस् :