बाह्र कक्षामै श्वेतालाई बिहेको प्रेसर
नायिका तथा निर्मात्री श्वेता खड्काले आफ्नो विवाह तथा दाइजोका सम्बन्धमा विभिन्न कुराको खुलासा गरेकी छिन् । श्वेताले बताए अनुसार प्लट टु पढ्दै गर्दा उनको विवाहको कुरा चलेको थियो भने स्व.अभिनेता श्रीकृष्ण श्रेष्ठसँग विवाह गर्दा माइती पक्षबाट उनले दाइजो लिएकी थिइनन् ।
दाइजो र बाल विवाह बिरुद्धको दुत समेत रहेकी श्वेताले विगत सम्झदै भनिन्, ‘बाह्र कक्षा पढ्दै गर्दा विवाहको लागि घरमा धेरै नै प्रेसर आएको थियो । घर परिवार र समाजले मनाएपछि म विवाहको लागि तयार पनि भएको थिएँ । तर फाइभ स्टारमा बिहे गर्नु पर्ने र दाइजो दिनु पर्ने भएपछि मैंले विवाह रद्ध गरें ।’ आफैं सक्षम भएपछि स्व.श्रीकृष्ण श्रेष्ठसँग विवाह गरेकी श्वेताले माइती पक्षको सम्पत्तीमा समेत समान हक पाएको बताइन् । छोरा र छोरीको सम्पत्तीमा समान हक लागेको खण्डमा दाइजो र बाल विवाह समानबाट हट्ने श्वेताको बुझाई छ ।
