केकी अधिकारीको नयाँ फिल्म ‘हुर्रे’
फिल्म ‘हुर्रे’ बन्ने भएको छ । यम थापाको लेखन तथा निर्देशन रहने फिल्म डार्क कमेडी जनराको हुनेछ । भदौ ५ गतेबाट छायाँकन सुरु हुने फिल्मको सम्पूर्ण छायाँकन गौशलास्थित पशुपति क्षेत्रमा हुनेछ । फिल्मले एकै धार्मिक आस्था बोकेका व्यक्तिहरुको कथा भन्नेछ ।
फिल्म ‘हुर्रे’ मा केकी अधिकारी, अनुपविक्रम शाही, राजाराम पौडेल, प्रकाश घिमिरे, बिजय बराल, अंकित खड्का, संगीता नापीत र उपदेश तिमल्सिना मुख्य भूमिकामा प्रस्तुत हुनेछन् । दावा शेर्पा प्रस्तुतकर्ता रहेको फिल्ममा सोनम लामा र छिरिङ दोर्जे लामा निर्माताको रुपमा रहेका छन् ।
शिव ढकालको छायाँकन रहने फिल्म ‘हुर्रे’ मा कालिप्रसाद बाँस्कोटा र राजनराज सिवाकोटीले संगीत दिनेछन् । विक्रक स्वारको कोरियोग्राफी रहने फिल्ममा रोशन भट्टराईको द्धन्द्ध निर्देशन रहनेछ । सम्पादन चन्दन दत्तले गर्नेछन् ।
