नयाँ दिल्लीमा निश्चलले गरे नयाँ फिल्म साइन
निर्देशक निश्चल बस्नेतले नयाँ फिल्म निर्देशन गर्ने भएका छन् । नयाँ फिल्म निर्माण टिमसँग निश्चलले हालै फिल्म निर्देशन गर्ने सम्झौता गरेका हुन् । फिल्म निर्माण टिमले नयाँ दिल्लीमा पुगेर निश्चलसँग फिल्म निर्देशन गर्ने सम्झौता गरेको हो । आमाको उपचारको लागि निश्चल नयाँ दिल्ली थिए, आइतबार मात्रै फिल्म निर्माण टिमसँग उनी नेपाल फर्किएका छन् ।
दिपक आचार्य, कुमार कट्टेल र अर्जुन घिमिरेको संयुक्त लगानी रहने फिल्मको नाम दर्ता हुंन बाँकी रहेकाले सार्वजनिक गरिएको छैन । यद्पी फिल्म कमेडी, सेन्टिमेन्ट र सामाजिक विषयमा आधारित रहन निर्माता दिपक आचार्यले बताएका छन् । कात्तिकको दोश्रो सातादेखि छायाँकन सुरु हुने फिल्ममा सागर लम्साल र हरिश निरौला सह निर्माताको रुपमा रहेका छन् ।
