‘ल्याङल्याङ’ गायक सुनिलले ल्याए ‘आँपे’ (भिडियो)
गायक तथा संगीतकार सुनिल पाण्डेको नयाँ गीत सार्वजनिक भएको छ । सुनिलकै शब्द, संगीत र स्वरमा तयार भएको लोक कमेडी शैलीको ‘आँपे’ बोलको गीत निकै रमाईलो छ । भिडियो हेर्नुस् :
प्रस्तुत गीतलाई अमृत ल्वागुनले एरेन्ज गरेका हुन् । दिपेन्द्र तिमल्सीनाको निर्देशनमा तयार भएको भिडियोमा सुजन श्रेष्ठ, हेरुका लामा, निशा लमा, नवराज भट्टराई लगायत कलाकारले अभिनय गरेका छन् । भिडियोमा गायक सुनिल पनि चित्रित छन् । प्रेम लामा र राज सिग्देलले छायाङ्कन गरेको गीतलाई मनोज कार्कीले सम्पादन गरेका हुन् ।
यसअघि सुनिलको फिल्म रोमियोमा ‘ल्याङल्याङ’ बोलको गीत समावेश थियो । त्यो गीतले राम्रै चर्चा पायो ।
