छवि ओझालाई पनि पत्याएन अमेरिकाले
नेपाली फिल्मकर्मीलाई युएस एम्वेसीले रिजेक्ट गर्ने क्रम रोकिएको छैन् । यो साता मात्रै वरिष्ठ निर्माता छविराज ओझा सहित अन्य फिल्मकर्मीलाई अमेरिकी दुतावासले खाली पासपोर्ट फिर्ता पठाइदिएको छ । छविराज सहित वितरक गोपालकाजी कायस्थ, नायिका तथा निर्मात्री जेनी कुँवरको टोलीलाई युएस एम्वेसीले भिसा अस्विकार गरेको हो । गत साता नायक आर्यन सिग्देलको टोलीलाई रिजेक्ट गरेको थियो ।
अमेरिकामा आयोजना हुने ग्लोबल नेपाली फिल्म अवार्डको लागि भुवन केसी, कृष्ण मल्ल दम्पत्ती, अनमोल केसी, दिपाश्री निरौला, जितु नेपाल, केदार घिमिरे माग्ने बुढालाई भने अमेरिकाले भिसा दिएको छ । उक्त अवार्डका लागि अप्लाई गरेका थोरैलाई मात्रै अमेरिकाले भिसा दिइरहेको छ । कमजोर डकुमेन्टस् तथा अमेरिकामै बस्ने शंका लाग्नेलाई दुतावासले भिसा दिइरहेको छैन ।