नेपाल आइडलका सुरज थापाको मनछुने गीत (भिडियो)
नेपाल आइडलको उत्कृष्ट ६ सम्म पुग्न सफल गायक सुरज थापाले आफ्नै स्वर, शब्द तथा संगीतमा ‘आएन परदेशी’ बोलको गीत ल्याएका छन् । यसको भिडियो मंगलबार सार्वजनिक गरिएको हो । भिडियो हेर्नुस् :
ग्रामिण परिवारको यथार्थ घटनालाई भिडियो मार्फत उतार्दै पहिलो पटक गायक सुरज थापा निर्देशनमा पाइला समेत चालेका छन् । पहिलो पटक परिवारका सबै सदस्यलाई थापाले भिडियोमा उतारेका छन् । बिदेशिएका नेपालीहरुको यथार्थ जीवनलाई चित्रण गर्दै गायक थापाले भिडियो तयार गरेका हुन् । गायक थापाकै गृह जिल्ला कोहलपुर चिसापानीको ग्रामिण भेगको रमणीय स्थलमा भिडियो छायांकन गरियको छ । भिडियोमा उत्तम हुमागाईंको छायांकन, बिकाश दाहालको सम्पदान र चन्द्र बहादुर थापाको कथा रहेको छ ।
गायक सुरज थापाकै शब्द, संगीत तथा एरेज रहेको गीतमा धर्म गन्धर्वको सारंगी, किशन श्रेष्ठको मिक्सिंग रहेको गीतलाई अलिक केसीले रेकर्ड गरेका हुन ।
