सत्य घटनामा दि कर्मा बन्ने, दुई भाषमा हुनेछ डव
तराई सिमा क्षेत्रमा नेपाल र भारतको सीमाना आसपासमा हुने घटनामा आधारित फिल्म दि कर्मा बन्ने भएको छ । सत्य घटनामा आधारित भनिएको फिल्मलाई विश्वदिप घिमिरेले निर्देशन गर्नेछन् । मुर्हत भदौ महिनामा गरिनेछ । फिल्ममा मुम्बईका कलाकार दिपक आनन्दको प्रमूख अभिनय रहनेछ ।
दिपकले बलिउड तथा दक्षिण भारतिय फिल्ममा सक्रिय रुपमा काम गरिरहेका दिपकले ’लभ सब प्यार व्यार’, ‘अञ्जान’, ‘ह्यांग टिल डेथ’ लगायतका टलीउड तथा मराठी फिल्म र विज्ञापनमा अभिनय गरेका छन् । यी सँगै अर्का कलाकार करण आहुजा, क्षितिजा शाक्यको पनि अभिनय रहनेछ । मुख्य नायिकाको छनोट भैनसकेको बताइएको छ । फिल्मको वर्कशप २० दिन सम्म चल्नेछ ।
जय मिडिया म्यानेजमेन्ट प्रोडक्शनको ब्यानरमा बन्ने एक्शनप्रधान फिल्म ’दि कर्मा’ को छायांकन नेपालको तराई क्षेत्र र भारतको सिक्कीममा हुनेछ । २०७४ भित्रै रिलीज लक्ष्य राखिएको यो फिलम कात्तिक तेश्रो हप्ताबाट छायांकनमा जानेछ । जय राज रायको कथामा रहेको यस फिलमलाई रामेश्वर कार्कीले छायांकन गर्नेछन् । जय राज राय र निशा खतिवडा निर्माता रहेको फिल्म नेपाली र हिन्दी भाषामा डव हुनेछ । प्रदर्शनी भारत र नेपालमा समेत गरिनेछ । फिल्मको थिम पोस्टर समेत सार्वजनिक गरिएको छ ।
