‘तिमी रोएको पल’ अर्जुन पोखरेलको नयाँ हिट गीत, ‘ऐश्वर्य’ मा रमेश र दीपिका कति फिट ?
संगीतकार अर्जुन पोखरेलले अर्को हिट गीत तयार गरेका छन् । फिल्म ‘ऐश्वर्य’मा समावेश ‘तिमी रोएको पल’ बोलको गीत निकै कर्णप्रिया छ । गीतको शब्द समेत संगीतकार पोखरेलले लेखेका हुन् । गीतको भिडियोमा अभिनेता रमेश उप्रेती र नव नायिका दीपिका प्रसाईं फिचरिङ छन् । गीतमा सुगम पोखरेल र अञ्जु पन्तको छ । तेञ्जु योञ्जन र अञ्जीला खत्रीको कोरियोग्राफी रहेको भिडियो यस्तो बनेको छ :
दिवाकर भट्टराईको निर्देशन रहेको फिल्म ‘ऐश्वर्य’को पहिलो गीति भिडियो शुक्रबार प्रेसमिट गर्दै रिलिज गरिएको हो । अर्जुन श्रेष्ठ र किरण राणा उप्रेतीको निर्माण रहेको लभ स्टोरी फिल्म कात्तिक २ गते, लक्ष्मीपुजादेखि रिलिज हुँदैछ । सुदिप बरालको छायाँकन रहेको फिल्ममा निर्मल शर्मा सह निर्माताको रुपमा रहेका छन् ।
