प्रेमि भनिएका आर्जनको ‘रेलिमाई २’ मा केकी (भिडियो)
‘रेलिमाई’को सफलतापछि गायक तथा मोडल आर्जनले ‘रेलिमाई २’ लिएर आएका छन् । गीतको भिडियो आइतबार रिलिज गरिएको छ । रेलिमाई सिक्वेललाई आर्जनले ’झिमिक्कै परेली’ शिर्षक दिएका छन् । मेलिना राईको फिमेल भोकल रहेको गीतमा आर्जनले नायिका केकी अधिकारीसँग जोडी बाँधेका छन् । भिडियो हेर्नुस् :
रोचक कुरा त के छ भने आर्जन र केकी प्रेम सम्बन्धमा चर्चा छ । प्रेमको गसिप मिडियामा आइरहँदा केकी र आर्जन एकसाथ भिडियोमा देखिएका हुन् । जुन कुराले आर्जन र केकीको पे्रेमलाई बल पुगेको छ । विशाल भण्डारीले निर्देशन गरेको भिडियोमा सम्पादन प्रविण श्रेष्ठको छ भने छायाँकन अर्जुन तिवारी एण्ड टिमको छ । गीतमा संगीत भने प्रतिक पौडेलले भरेका छन् ।
रेसुभिल्ला आसपासमा खिचिएको गीतको भिडियोलाई निर्देशक भण्डारीले फिल्मी शैलीमा आकर्षक बनाएका छन् ।
