निखिल र सौगातको ‘संरक्षण’ मा बर्षा र बाढीको प्रभाव
लगातारको बर्षा र तराई डुबानको प्रत्यक्ष प्रभाव नेपाली फिल्मको व्यापारमा देखिएको छ । बर्षा र बाढीका कारण विशेष गरी पुर्वी भेगमा फिल्म हलहरु बन्द अवस्थामा छन् । शुक्रबारदेखि प्रदर्शनमा आएको फिल्म संरक्षण पनि यसकै मारमा परेको ।
फिल्मका निर्माता प्रदिपकुमार उदयले तराईका अधिकांश जिल्ला डुबानमा पर्दा संरक्षण चलिरहेका १६ वटा हलमा प्रदर्शन स्थगित हुन गएको बताए । उदयका अनुसार काठमाण्डौका अधिकांश मल्टिप्लेक्स हलमा भने फिल्मको राम्रो व्यापार गरेको छ । ‘मल्टिप्लेक्समा शनिबार दिनभर दर्शकको उपस्थिती हाउसफूल थियो’ उनको दाबी छ । सौगातसँग गरिएको रमाइलो कुराकानी हेर्नुस् :
मधेशकै राजनीतिक पक्षलाई उठाएर बनाइएको फिल्म संरक्षण लाई पुर्णेन्द्र झाले निर्देशन गरेका हुन् । जहाँ निखिल उप्रेती, सौगात मल्ल, अशिष्मा नकर्मी, प्रमोद अग्रहरि, मलिना जोशी, रमेश रञ्जन झा लगायतका कलाकारको मुख्य भूमिका रहेको छ । एक करोड भन्दा माथि लगानी रहेको फिल्ममा उदय र नरेन्द्र महर्जनको संयुक्त लगानी छ ।
