नम्रतालाई धर्मेन्द्रले सोधे, ‘कता हिडेकी’ (भिडियो)
गायक धर्मेन्द्र सेवनले नयाँ गीत ल्याएका छन् । ‘कता हिडेकी’ बोलको गीतमा स्वरसँगै शब्द तथा संगीत पनि धर्मेन्द्रकै रहेको छ ।
नेपाली ताराका उपविजेता समेत रहेका धर्मेन्द्र यस गीतबाट निकै आशावादी छन् । उनी भन्छन्, ‘मैंले अहिलेसम्म जति गीत गाए त्यो मेरो बुबाको युगको थियो । अहिले यस गीतलाई युवा पुस्तामा लक्षित गरेर तयार गरेको छु । सायद सबैले यसलाई रुचाउनुहुन्छ होला ।’ गायक धर्मेन्द्र ‘रेशम फिलिलि’ जस्तो सफल गीतका सर्जक बुद्धि परियारका छोरा हुन् ।
उमन वाइवाले तयार पारेको उक्त गीतको भिडियोमा मोडल तथा नायिका नम्रता सापकोटा मुख्य रुपमा प्रस्तुत भएका छन् । भिडियोमा धर्मेन्द्र र टिम चिटिक्क लाई पनि फिचर गरिएको छ । भिडियोलाई केही फरक र रमाइलो बनाइएको निर्देशक वाइवाले बताए ।
सोना हाङ राईले खिचेको भिडियोलाई रवी लामाले सम्पादन गरेका छन् । रिकेश गुरुङले एरेन्ज गरेको यस गीतलाई फिरोज बज्रचार्यले मिक्सिङ गरेका छन् ।
