सुनिता र प्रकाशको ‘मुखैमा चिनी’, केकी र गम्भिरको मस्ती (भिडिया)
गायिका सुनिता दुलालको ‘मुखैमा चिनी’ बोलको गीत सार्वजनिक भएको छ । सोमबार काठमाडौंमा एक कार्यक्रम आयोजना गर्दै गीत सार्वजनिक गरेको हो । श्रब्य दृश्य भिडियो दीपक जंगमले विमोचन गरेका थिए । भिडियो हेर्नुस् :
सार्वजनिक लोक गीतमा सुनिता दुलाल र प्रकाश सपूतको स्वर रहेको छ । भिडियोमा नायिका केकी अधिकारी र गम्भिर विष्ट फिचर्ड छन् । शब्द तथा संगीत गायक प्रकाश सपुतकै रहेको छ । बिबि अनुरागीले संगीत संयोजन गरेका छन् । भिडियो निर्देशन गम्भिर विष्टको रहेको छ ।
ज्ञानेन्द्र शर्माले खिचेको म्युजिक भिडियोलाई नविन निरौलाले सम्पादन गरेका हुन् । यसअघि गायिका दुलाल र प्रकाशले तिहारको गीतमा सहकार्य गरेका थिए । गायिका दुलाल ‘नेपाल लोक स्टार’की निर्णायक पनि हुन् ।
