सलाम सिताराम, समाजिक सञ्जालमा ‘रियल हिरो’ भन्दै प्रशंसा
दुई भुकम्प प्रभावित र मुसहर बस्ती निर्माण गरेर सबैको स्यावासी पाएका कलाकार सिताराम कट्टेल धुर्मसले बाढी प्रभावित क्षेत्रमा आफैं गइ सहयोग गरेर अर्को प्रशंसनिय काम गरेका छन् । लगातारको बर्षाका कारण ढुवानमा रहेको सप्तरी जिल्लाका बालबालिका तथा वृद्धवृद्धाको सेवामा खटेको तस्बिरहरु सामाजिक सञ्जालमा पोस्ट भएसँगै सितारामको अर्को प्रशंसा सुरु भएको छ ।
सामाजिक सञ्जालमा ‘रियल हिरो’ को संज्ञा दिदैं सितारामलाई बधाई दिनेको ओइरो छ ।उसो त सामाजिक सञ्जालमा बाढी प्रभावितका लागि धेरै फिल्मकर्मीहरुले दुःख व्यक्त गर्दै आर्थिक सहयोगको घोषणा गरिरहेका छन् । तर प्रभावित क्षेत्रमै गएर सहयोगमा उत्रिने सिताराम सम्भवतः पहिलो कलाकार हुन् । बाढीले प्रभाव पारेको भोलिपल्टै सिताराम खाद्यन्न सहित सप्तरी जिल्लाको उद्धारमा निस्किएका थिए । धुर्मुस र सुन्तली नमुना नेपाल निर्माणमा जुटेका छन् ।
