‘समर लभ’ सुटिङ सुरु : दशैंपछि नर्वे उड्ने
फिल्म ‘समर लभ’ को छायाँकन सुरु भएको छ । सुविन भट्टराईको चर्चित पुस्तक माथि बन्ने फिल्मको यही सोमबारदेखि छायाँकन सुरु भएको छ । मुस्कान ढकालको निर्माण तथा निर्देशन रहने फिल्म ‘समर लभ’ मा आशिष पिया र रेवती क्षेत्री मुख्य भूमिकामा प्रस्तुत हुँदैछन् ।
पुस्तकका लेखक सुविन भट्टराइकै लेखन रहेको फिल्म ‘समर लभ’ मा सामिप्यराज तिमल्सिनाको पटकथा तथा संवाद, संजय लामाको छायाँकन र पुष्पन प्रधानको संगीत रहनेछ । ६० दिनको समय तालिका निकालिएको फिल्मको काठमाण्डौं, पोखरा, धनगढी, नर्वेमा छायाँकन गरिनेछ । नर्वेको सुटिङ भने दशैंपछि गरिने निर्देशक तथा निर्माता ढकालले बताए । नाइटेङ्गल फिल्मसको ब्यानरमा बन्ने फिल्ममा आशिष र रेवतीसँगै नम्रता सापकोटा, शिशिर भण्डारी, मानस थापा, र समीप निरौलाको पनि अभिनय छ ।