बाढी प्रभावितको सहयोगमा फिल्मकर्मीको घोषणै घोषणा
फिल्मकर्मीले बाढी प्रभावितका लागि विभिन्न प्रकारको सहयोगको घोषणा गरिरहेका छन् । यस्तैमा फिल्म ‘ग्याङस्टर ब्लुज’ र ‘धुम २’ का निर्माताले पनि बाढी प्रभावितको सहयोग गर्ने घोषणा गरेका छन् । उनीहरुले फिल्मको सार्वजनिक व्यापारबाट आएको रकमको केही प्रतिशत रकम बाढी प्रभावितको सहयोगमा दिने घोषणा गरेका हुन् ।
यही शुक्रबारदेखि प्रदर्शनमा आउने फिल्म ‘ग्याङस्टरको ब्लुज’ का निर्माता सरोज न्यौपानेले फिल्मले गरेको आम्दानीको केही प्रतिशत रकम बाढी प्रभावितको सहयोगमा दिने बताएका हुन् । निर्माता न्यौपानेले भने, ‘हामी फिल्मको टिम नै बाढी प्रभावित क्षेत्रमै जाने तयारी गरिरहेका छौं ।’ यता भदौ ८ गतेदेखि प्रदर्शनमा आउने फिल्मका निर्माता, निर्देशक तथा कलाकार जय किसन बस्नेतले तराई भेगमा फिल्मबाट उठेको रकमको २५ प्रतिशत बाढी प्रभावितलाई दिने घोषणा गरेका हुन् ।
यस्तै नेपाल चलचित्र सँघको अध्यक्ष प्रदिपकुमार उदयको अध्यक्षता २०७४र४र३० गते बसेको नेपाल चलचित्र संघ केन्द्रीय कार्य समिति बैठकले पिडितहरूको राहतको लागी सहयोग गर्न कोष निर्माण गरेको छ । सो कोषमा नेपाल चलचित्र संको तर्फबाट रू एक लाख, क्युएफएक्स सिनेमाजको तर्फबाट रू एक लाख, र बिके फिल्मसको तर्फबाट रू दश हजार संकलन भएको छ ।
