आँचलको सपना पुरा गर्दै पल (जोनी जेन्टलम्यान प्रोमो)
भदौ ३० गतेदेखि प्रदर्शनमा आउने पल शाह र आँचल शर्माको मुख्य भूमिका रहेको फिल्म ‘जोनी जेन्टलम्यान’ को प्रोमो रिलिज गरिएको छ । झण्डै तीन मिनेट लामो फिल्मको प्रोमो एक्सन, लभ, रोमान्स र इमोशनयुत्त छ । प्रोमोमा पलको एक्सन अवतारलाई देख्न सकिन्छ । उनले फिल्मका लागि निकै समय लगाएर शारीरिक कसरत गरेका थिए । नितिन चन्द निर्देशित फिल्मको प्रोमो यस्तो बनेको छ :
महेश दवाडीको संवाद, कथा तथा स्क्रिप्ट रहेको फिल्मलाई एन्ड्रियु पौडेल, अजय मल्ल ठकुरी, सञ्जु शाहले संयुक्त रुपमा निर्माण गरेको हुन् । अर्जुन पोखरेल, हर्कुलस बस्नेत, व्रिजेश श्रेष्ठ र स्वचित शाक्यको संगीत रहेको फिल्ममा पारस विक्रम शाह र देव महर्जनको द्धन्द्ध निर्देशन रहेको छ । फिल्ममा पल र आँचल सहित विकास जोशी, जाइन कुँवरको अभिनय रहेको छ ।
