‘ब्रेकअप’ मा आशिरमानले पाए जोडी
हेमराज विसीको निर्देशनमा रोहित अधिकारी फिल्मस र ह्याप्पी प्लानेट फिल्मसको ब्यानरमा संयुक्त रुपमा निर्माण हुने फिल्म ‘ब्रेकअप’ का लागि लिड हिरोइन फाइनल भएकी छिन् । लभ स्टोरी जनराको फिल्ममा आशिरमान देशराजको अपोजिटमा नव नायिका शिल्पा मास्के पक्का भएकी हुन् ।
युके बसेर मोडलिङ र अभिनय सिक्दै गरेकी शिल्पासँग यसै साता निर्माता रोहित अधिकारी र दिपक खतिवडाले सम्झौता गरेका हुन् । फिल्मको सुटिङसम्म शिल्पा नेपाल बस्नेछिन् । यही भदौको अन्तिम देखि ब्रेकअपको छायाँकन सुरु हुनेछ । रमणिय स्थलहरु पोखरा, मनाङ, मुस्ताङ, जोमसोम सहित लण्डनमा फिल्मको छायाँकन हुने निर्माता अधिकारीले बताए ।
‘गाजलु’ को सफलतापछि रोहित ‘ब्रेकअप’ निर्माणतर्फ लागेका हुन् । ब्रेकअप निर्माणमा रोहितसँग दिपक खतिवडा र रुपक थापाले सहकार्य गरेका छन् ।
