हरितालिका तीजमा हलमा आए दर्शक
हरितालिका तीजको अवसरमा चार नेपाली फिल्महरु प्रदर्शनरत छन् । धुम २, देश खोज्दै जाँदा, हामी शरणार्थी र स्काउट भदौ ८ गते बिहिबारबाटै प्रदर्शनमा आएका हुन् । यी चार फिल्म हेर्न दर्शक हलमा कति आए त ?
बिहिबार दिवा शोमा बालाजुको अष्टनारायण हलमा दर्शकको भिड
बुझिए अनुसार हरितालिका तीजमा नेपाली फिल्म हेर्ने दर्शक हलमा आएका छन् । दिवा शोमा देशका कतिपय हलहरु हाउसफूल भएका भएको रिपोर्ट छ । चार मध्ये जय किसन बस्नेतको निर्माण, निर्देशन र अभिनय रहेको फिल्म धुम २ मा दर्शकको संख्या उच्च छ । राजधानीका गोपिकृष्ण, अष्टनारायण जस्ता हलहरुमा धुम २ ले उधुम मच्याएको जय किसनले बताए । जय किसनसँग गरिएको रमाइलो कुराकानी हेर्नुस् :
यस्तै गएको साता रिलिज भएको फिल्म ‘ग्याङस्टर ब्लुज’ ले पनि मल्टिप्लेक्समा दर्शकको साथ पाइरहेको निर्माता सरोज न्यौपानेले जानकारी दिए । केही मल्टिप्लेक्समा फिल्म प्रेम गीत २ पनि प्रदर्शनरत छ ।