हजारौं दर्शकमाझ झरना, साम्राज्ञी, सलिन र सलोन
मोफसल प्रचारको दोश्रो दिन ‘ए मेरो हजुर २’ टिम चितवन पुगेको छ । निर्देशक झरना थापा, नायक सलिनमान बनियाँ, नायिका साम्राज्ञीराज्य लक्ष्मी शाह, कलाकार सलोन बस्नेतले फिल्मको प्रचार गरे ।
हरितालिका तीजको अवसरमा जम्मा भएका दर्शकमाझ ‘ए मेरो हजुर २’ टिमले दिनभर जसो फिल्म बारे अन्र्तक्रिया गर्यो । टिमले दर्शकसँग फिल्मको गीतमा रमाइलो गर्दै नृत्य प्रस्तुत गरे । चितवन पछि टिम बुटवल र पोखरा जानेछ । पछिल्लो पटक हरेक जसो फिल्मले मोफसल प्रचारलाई पनि प्राथमिकतामा राखेका छन् । सुनिल कुमार थापा निर्मित फिल्म ए मेरो हजुरको प्रतिक्षा यतिबेला व्यग्र छ । गीत, संगीत तथा प्रोमोको चर्चा सँगै नव नायक सलिनमान बनियाँको पनि चर्चा छ ।
फिल्म ‘ए मेरो हजुर २’ मा साम्राज्ञी, सलिन र सलोनसँगै अम्बर सुवेदी, अम्बर पौडेल, अनुभव रेग्मी, विल्सनविक्रम राई, बुद्दी तामाङ लगायतका कलाकारको अभिनय छ । बसन्त सापकोटा र कल्याण सिंहको संगीत रहेको फिल्मलाई संजय लामाले खिचेका हुन् । साम्राज्ञी र सलिनसँग गरिएको रमाइलो कुराकानी हेर्नुस् :
