‘फाटेको जुत्ता’को आइएम सरी, प्रियंका फकिइन् यसरी
कार्तिक १७ गते प्रदर्शनमा आउने फिल्म ‘फाटेको जुत्ता’ को पहिलो गीति भिडियो सार्वजनिक भएको छ । युट्युबमा सार्वजनिक आई एम सरी…’ बोलको गीतमा सौगात मल्ल र प्रियंका कार्की फिचरिङ छन् । भिडियो हेर्नुस् :
सार्वजनिक गीतमा प्रवेश मल्लिकको स्वर, शब्द र संगीत छ । निरज कँडेलले खिचेको गीतमा राजीव समरको कोरियोग्राफी रहेको छ । अर्जुन कुमार फिल्मसको व्यानरमा निर्मित ‘फाटेको जुत्ता’ लाई अर्जुन कुमारले निर्माण गरेका हुन् । निकेश खड्का निर्देशित डार्क कमेडी फिल्मको जनरा डार्क कमेडी हो । फिल्म फाटेको जुत्तामा सौगात र प्रियंकासँगै वुद्धि तामाङ, कामेश्वर चौरासिया, रविन्द्र झा, अनोज पाण्डे लगायतका कलाकारको अभिनय छ । निरोज महर्जनको लेखन रहेको फिल्ममा अष्ट महर्जनको द्धन्द्ध र दिर्घ खड्काको सम्पादन छ ।