यस्तो बनेर आयो ‘छक्का पञ्जा २’ को दोश्रो गीत (भिडियो)
बहुप्रतिक्षित फिल्म ‘छक्का पञ्जा २’ को दोश्रो गीत रिलिज भएको छ । किरण कंडेलको संगीत, उत्तम संजेलको शब्द , हरिवश आचार्य र आस्था राउतको स्वर रहेको झ्याम्म झ्याम्म बोलको गीतमा दिपकराज गिरी, प्रियंका कार्की, विल्सन विक्रम राई र बुद्धि तामाङले नृत्य गरेका छन् । पुरुषोत्तम प्रधानको सिनेम्याटोग्राफी र कविराज गहतराजको कोरियोग्राफी रहेको गीतको भिडियो यस्तो छ :
दिपाश्री निरौला निर्देशित फिल्म छक्का पञ्जा २ असोज ११ गतेदेखि प्रदर्शनमा आउँदैछ । फिल्ममा दिपक, प्रियंका र बुद्धिसँगै केदार घिमिरे, जितु नेपाल, बर्षा राउत, स्वस्तिमा खड्का र स्वरुप पुरुष ढकालको अभिनय छ । फिल्म निर्माणमा दिपक र दिपासँग निर्माता विकास आचार्यले पनि सहकार्य गरेका छन् । फिल्मको पहिलो गीत नाइलनको साडीमाले चर्चा पाइसकेको छ । Making Video :
