भव्य बन्यो मल्टीस्टारर ‘ह्रस्व दिर्घ’को ट्रेलर
नीता ढुंगाना निर्मित फिल्म ‘ह्रस्व दिर्घ’को ट्रेलर रिलिज गरिएको छ । बुधबार प्रेसमिट गर्दै फिल्मको प्रोमो सार्वजनिक गरिएको हो । प्रोमो :
चन्द्र पन्त निर्देशित फिल्म ‘ह्रस्व दिर्घ’को प्रोमोलाई प्रेसमिटमा प्रशंसा मिल्यो । मल्टिस्टारर फिल्मको प्रोमोमा फिल्म मेकिंग उच्च देख्न सकिन्छ । प्रोमोमा अभिनेत्री नीता ढुंगाना र अभिनेता हरिहर अधिकारीबिच प्रेम, विछोडलाई देखाइएको छ । साथमा बलिउडका कलाकार प्रदीप रावत, ब्रम्हानन्दम्, बिपना थापा, रेखा थापा, सरोज खनाल, गरिमा शर्मा लगायत थुप्रै कलाकारहरु प्रोमोमा प्रस्तुत छन् ।
हरिहरकै कथा र लेखन रहेको फिल्ममा प्रदीप पौडेलको संवाद छ । फिल्मको छायाँकन बलिउडका कविरलालले गरेका हुन् । नीता फिल्मस्को ब्यानरमा बनेको फिल्म ह्रस्व दिर्घ यही कात्तिक ३० गतदेखि प्रदर्शनमा आउँदैछ ।
