किन बोके ‘मिस्टर झोले’ दयाहाङले भित्ते घडी ?
रामबाबु गुरुङ निर्देशित फिल्म ‘मिस्टर झोले’ को पहिलो पोस्टर रिलिज गरिएको छ । सार्वजनिक पोस्टरमा मुख्य कलाकारहरु दयाहाङ राई, दिया पुन, बर्षा राउत, बुद्दि तामाङ, प्रबिन खतिवडा प्रस्तुत छन् । पोस्टरमा दया भित्ते घडी लिएर उभिएका छन् ।
सिनेमा आर्ट र टेकेन खड्का प्रोडक्सनको संयुक्त लगानीमा निर्माण भएको फिल्म ‘मिस्टर झोले’ पौष २८ गतेदेखि प्रदर्शनमा आउँदैछ । आगामी शुक्रबार फिल्ममा समावेश ‘ओखती’ बोलको गीत रिलिज गरिने जानकारी निर्देशक गुरुङले गराएका छन् । ‘मिस्टर झोले’ मा अरुणा कार्की, कमलमणी नेपाल, सरोज अर्याल, मनिराम पोखरेल लगायत कलाकारहरुको अभिनय छ ।