सहमतीमै सरे रमेश, बुधबार ‘ऐश्वर्य’ को टिजर रिलिज
अभिनेता रमेश उप्रेतीले निर्माण गरेको फिल्म ‘ऐश्वर्य’ तोकिएको प्रदर्शन मितिबाट एक साता पर सरेको छ । दिवाकर भट्टराई निर्देशित यो फिल्म अब कात्तिक ९ गते प्रदर्शन हुनेछ । कात्तिक २ मा रेखा थापाको ‘रुद्रप्रिया’ मात्रै प्रदर्शन हुनेछ ।
‘ऐश्वर्य’ को प्रदर्शन मिति सहकार्य र सहमतीमै सारिएको अभिनेता तथा निर्माता रमेश उप्रेतीले बताएका छन् । ‘एक अर्कामा जुधेर हामीलाई फाइदा छैन । सबैको फाइदाको लागि हामी एक साता पर सरेका हौं’, रमेश भन्छन् । ‘ऐश्वर्य’ को बुधबार टिजर समेत रिलिज हुँदैछ । रमेश र दीपिका प्रसाईंको मुख्य भूमिका रहेको फिल्ममा समावेश तिमी रोएको पल गीतलाई रुचाइएको छ । फिल्ममा रमेश र दीपिकासँगै केकी अधिकारी र प्रशान्त ताम्रकारको पनि महत्वपूर्ण भूमिका छ । ‘तिमी रोएको पल’को भिडियो हेर्नुस् :
