‘ए मेरो हजुर २’ प्रिमियरमा साम्राज्ञी ढिला पुगेपछि (फोटो फिचर)
भदौ १६ गते, शुक्रबारदेखि प्रदर्शनमा आएको फिल्म ‘ए मेरो हजुर २’ को बिहिबार प्रिमियर गरिएको छ । प्रिमियरमा फिल्मकी सोलो नायिका साम्राज्ञी राज्य लक्ष्मी शाह समयमा आउँन नसक्दा सहभागी उनको पर्खाइमा रहे । साढे पाँच बजे बोलाइएको प्रिमियरमा साम्राज्ञी झण्डै ७ बजे कमलपोखरीको कुमारी हल पुगेकी थिइन् । किन त यति ढिला ?
ट्राफिक जाम त हो नि प्रिमियरमा ढिला हुनुको कारण बारे साम्राज्ञीले छोटकरीमा सुनाइन् । साम्राज्ञी सहित प्रिमियरमा निर्देशक झरना थापा, निर्माता सुनिल कुमार थापा, नायक सलिनमान बनियाँ, सलोन बस्नेत र अन्य फिल्म युनिट उपस्थित थिए । यस्तै रेखा थापा, दिपाश्री निरौला, संचिता लुईंटेल, नीता ढुंगाना लगायत नायिकाहरु आकर्षणको केन्द्रमा परे । पुर्व प्रधानसेनापति रक्कमान्द कटवाल पनि प्रिमियरमा पुगेका थिए ।
प्रिमियरमा सहभागी अधिकांशले फिल्म ‘ए मेरो हजुर २’ लाई रुचाएका छन् । विशेष गरी अभिनेत्री झरना थापाको डेव्यु निर्देशनलाई उनीहरुले प्रशंसा गरेका छन् । कलाकार सलोन बस्नेतले पनि प्रिमियरमा स्यावासी पाए । समग्रमा फिल्मको कथा तथा कलाकारको प्रस्तुती राम्रो रहेको प्रिमियरमा ‘ए मेरो हजुर २’ लाई प्रतिक्रिया मिल्यो । प्रिमियरका केही तस्बिरहरु हेर्नुस् :
